मुकुंदमाला स्तोत्र (Mukunda Mala Stotra)

साधुवृत्तीच्या राजर्षीद्वारे श्रीकृष्णांच्या सेवेसाठी त्यांच्याकडे याचना करणाऱ्या प्रार्थना. साधुत्वाचा पिंड असणारे राजा कुलशेखर भारतामध्ये एक सहस्त्रकाच्याही पूर्वी होऊन गेलेले राजे आहेत. तथापी त्यांचे ‘मुकुंदमाला-स्तोत्र’ आजही आपल्याशी शाश्व‍त सत्याच्या अभिजात स्वरात संवाद साधते. अंतःकरणाच्या तळमळीतून आलेला तो स्वर एका साक्षात्कारी आत्म्याचा असून भगवंतांना आणि आपल्यालाही याचनापूर्वक आळवितो. जन्म-मृत्यूच्या रोगावरील रामबाण उपाय ऐकण्यासाठी ते सर्व लोकांना आवाहन करीत आहेत. मुकुंदमाला-स्तोत्र म्हणजे राजा कुलशेखरांची श्रीकृष्णांप्रती असणारी भक्ती आणि ते सद्भाग्य अन्य प्रत्येकाला वितरीत करण्याची त्यांची उत्कंठा यांच्या मिलाफाची अभिव्यक्ती आहे.